飛左架Hyperion Yak 55 SP 25E 都將近90次升降，最近先掌握到用呢部機做好靚既Flat Spin。
以前睇資料教點做Flat Spin，都係教Rudder and Elevator full travel，油門控制螺旋速度的快慢，但一路都做得唔靚，睇老外飛行片段真係可以做到Spin緊既時候機身保持水平，一路都會諗，係部機做唔到，定係舵面角度唔夠大．．．記得有次JEFF話睇個老外教打埋副翼，用副翼壓平機身，之前用RUSH試過，都好似唔多有效。

上兩個星期用架25E無意中試到打埋副翼真係可以做得好靚，但打副翼係要調校機身水平，過多過少都唔得，等我試下用文字講下成個動作我係點做．．．

垂直爬升高度，收油至1/4，用升降舵推架機向下，當機頭指向下時，同時打100%左方向舵和升舵，機身開始進入螺旋，此時機體不會放平，而且下降速度頗高，打少少右副翼，把機身調整壓平，同時慢慢增加油門動力，此時機體會因應副翼的補償而放平，當機體可以放平螺旋時，下降速度亦會減慢，最後當增至全油門時，架機就會好似以螺旋槳為圓心做Spin，加埋螺旋槳的風聲，真的很爽！！如收晒油門去Spin，下降速度應該會效快，機身會效難保持水平，可能無咁靚．．．

我覺得每部機做Spin或者其他花式，操控上應該會有所不同，以25E既方法，用在Twin Dragon上，就不太有效。大家都只打升舵及方向舵，收油，TD 會比25E做得好，但機身都唔夠平，TD要再多花點時間掌握．．．

將來EDGE SPIN會更難試到每架機做既方法．．．SIM又好難幫到手．．