最近透過網上海外郵購一套trainning manual...雖然價錢昂貴，但我仍覺得物超所值，要1.2k連運費。比起我買十隻新機更加開心及學到野。

　

粗略全部睇下，最後選擇先睇Park Flying 1-2-3D，因為比較合我衣家飛緊既機種。

　

呢本書對象係決定由park fly入門既人，由握控，機種分類，翼型特性，基本起飛降落，簡單花式飛行，深入至遙控mixing，失速類3D飛行，非常全面，而且教程好有系統，飛得晒呢一本書，已經係見得下人既高手，從而我覺得我衣家先至係真真正正學飛，玩左4,5先有咁既感覺，真係有D慚愧，跟呢套書可謂相逢恨晚。雖然係咁講，但呢本書比我呢D半桶水既所謂老手來講就更加有用，當中有好多錯誤分析，只要可以解決到D好細微細眼既錯誤動作，就會飛得好，分析問題及成因，再針對解決，有D動作加上打數口訣，令動作做起上來節奏更準，更加亮麗。可以話係每一頁都咁精彩，每一頁都學到野。（起碼學到英文）

　

睇完一頁頁秘笈，係時候練功。開始係電腦練sim，已經明顯覺我自己有進步，特別係loop同roll，由於已有少少底子，跟據書上既貼士及錯誤分析，已可對自己技術有所改善，之前陋習太多。

　

至於飛實機，問題就出來．．．下次再講。