我有習慣收集各種數據, 以備不時之需...

在新手階段, 對槳嘅運用唔係咁明白...
用唔同嘅摩打, 知道需要配合唔同嘅槳...
但推力是多少? 負載電流會唔會過大令摩打Overload? 摩打轉數及空速? 應該點樣選擇? 以甚麽為依據?
一大堆問題, 真係一籌莫展...

為解決以上嘅疑慮, 決定自製一個靜態推力量度器...

材料 :
- 廚房電子磅
- 3mm Plywood
- 三角木條
- 電子變速器
- 接收器
- Eagle Tree MicroPower eLogger
- Eagle Tree Brushless RPM Sensor

製作好簡單, 用Plywood做Motor Mount, 最重要係上下兩塊一定要平行...
由於靜態推力係用壓磅法量度, 所以隻槳安裝嘅方向要稍為注意, 運轉向前方向一定要向下...

駁上eLogger及RPM Sensor, 電壓、電流及轉速等數據就可以記錄低, 只要專心留意電子磅數據就可以...
另外, 亦可加上Thermal Sensor, 量度摩打温度, 測試數據更為全面...

我亦特別保留一排1800mAh 16C電池, 專為測試摩打用, 令數據更為公平...

因為安全理由, 唔用Servo Tester控制電子變速...
用接收器控制電子變速, 測試時相距摩打四至五呎, 萬一有意外, 都無咁易俾隻槳打到自己...

用同一個摩打, 不同Size或Pitch嘅槳, 靜態推力及轉速都會唔同...
我會用摩打廠方嘅建議為依據, 測試及記錄唔同槳嘅特性, 為日後作為參考...









以上為例:
APC 9x6E出到950g靜態推力, 10x5E就出到1050g...
但轉速就以9x6E為高, 加上Pitch較10x5E高, 所以空速較快...
另一樣要注意就係負載電流, 10x5E比9x6E耗電, 所以要留意摩打温度及廠方所訂嘅最大容許負載電流...
要點樣選擇槳? 因人而異, 唔同機種或唔同機手, 要求都唔同...
要機速, 選9x6E...
要推力, 選10x5E...
要更高推力玩3D, 可選負載電流更高嘅10x4.7SF...
所以一定要定下目標, 才可以揀到最適合嘅配搭...